Presidentja e Republikës së Kosovës, Vjosa Osmani, ka dekoruar komandantin e KFOR-it, gjeneralmajor Enrico Barduani, me Medaljen Presidenciale Ushtarake, në shenjë vlerësimi për kontributin e tij në ruajtjen e paqes dhe sigurisë në Kosovë dhe më gjerë në rajon.

Dekorimi, që u bë gjatë javës së kaluar, vlerësohet si një simbol i mirënjohjes së popullit të Kosovës për angazhimin e vazhdueshëm të NATO-s.

“Gjatë mandatit të tij në krye të KFOR-it, gjeneralmajor Enrico Barduani ka dhënë kontribut të çmuar për paqen dhe sigurinë në Kosovë dhe në rajon.
Në shenjë falënderimi për këtë shërbim të vyer, javën që shkoi, Presidentja Osmani e dekoroi atë me Medaljen Presidenciale Ushtarake, një simbol i mirënjohjes së popullit tonë dhe i përkushtimit të pandërprerë të NATO-s për paqe dhe siguri afatgjate”, thuhet në njoftimin e Presidencës./Arbresh.info